News 26 November 2016

Sub-Dealer te’n Kerosene la theita ding

Lamka, Nov. 25: Lunminthang Haokip, IAS, Deputy Commissioner, Churachandpur in  thusua a bawlna a chun Churachandpur  District huap sung ah Assembly Constituency guk (6)- 55- Parbung, 56-Thanlon, 57-Henglep,  58- Churachandpur, 59- Saikot leh 60- Singngat ah SK Oil (Kerosene) Sub-Dealer te’n thautui latheita ding a hidan a taklang a, thautui lading Sub-Dealer te’n Identity Card  a chawi uh ngai ding leh kituptak ah suai kikaina ding mun ah suai a kai uh ngai ding in a gen a, hun dang ah tha khat quota (monthly quota) 152 KL hisek chu SK Oil State quota a kiam tawh kitawn ah October leh November tha quota chu 72 KL ah kisuniam a hidan taklang kawm in Churachandpur District a ding ah tha  2 quota hung tung chu a kigawm ah 144 KL a hidan a gen hi.

Gamgi km 3 huap sung ah 144 Cr.Pc puan ah um

Lamka, Nov. 25: Lunminthang Haokip IAS, District Magistrate, Churachandpur in International Boundary  kantan ah Myanmar a pat Churachandpur District huap sung ah khamthei chuam chuam puaklut ding khapna  Border a pat km 3 huap sung ah nitak dak 5:00 a pat zingkal lam dak 5:00 kikal sung ah 144 Cr.Pc puan a hidan a taklang a,  zia hun kipia sung a chu Company Operating Base (COB), Temporary Operating Base (TOB) leh Assam Rifles leh Indian Army Commander te hiatpina bei ah kuama gamvak lo ding ah hiatsakna bawl kawm in lampi lian tilo ah  gamlak ah vaklum let lo ding in hiatsakna thusua a bawl hi.

SP/CCpur in Drug Cell panlakna taklang

Lamka, Nov. 25: Rakesh Balwal, IPS, SP Churachandpur in tunitak lam dak dak 2:00 in ama Office Chamber ah thuthak lakhawm mite kimupi in District sung ah Zu leh Khamtheih zawkna tawh kisai ah maban panlak ding dan taklatna a nei hi. SP Churachandpur in a genna a chun, Alcohol & Drug Cell kiti siamdaw ah um a hidan taklangkawm in Alcohol & Drug Cell te panlakna zu zuakna, zu dawnna leh khamtheih zuakna leh puaklutna kiti te hiatchian ah umta hi’n a gen a, khawpi sung ah zalen tak ah zudawn ti te khap a hidan taklang in, zu ki chawk ah, inn ah dawn a hileh khap hilo in a gen hi. Khaw-lai vel ah zu dawn in khawtang a ding ah siatna tampi tun a hi ziak in, khawtang hawi ding dawi zosia’n police te panlakna kithuapi ding in  chialna a bawl a,  Zu tilo Khamthei dang tawh kisai  chu zu khapna tawh kisai kituptak ah etzui a hitak leh etzuina pat hiding in a gen hi. SP Churachandpur in a genbena a chun, Pharmacy khenkhat Doctor zik tilo khamthei bawl te ding ah a zuak pawl um a hidan leh a zuaktute le hiatchian vek ah umta a hidan a gen a, ziagual chiindan hawilo chu a haisanlo ualeh dan tawh kituak ah action khautak lak hiding in a gen hi.

 No Due Certificate hard copy piakdaw hitalo ding

Lamka, Nov. 25: Manipur State Power Distribution Company Limited (MSPDCL), Churachandpur Division in “No Due Certificate” tawh kisia ah thusua a bawlna a chun, No Due Certificate hard copy chu December 2016  nung a pat piakdaw hitalo ding in a gen a, 2017 a pat Online/One-Time, No Due Certificate piak hizawta ding in a taklang hi.  Zia chu tawh kitawn ah Manipur Government nuai a sem, Churachandpur Division sung ah um te’n Deputy Manager (IT), MSPDCL, Churachandpur Division kiang ah Office hours sung ah One-Time No Due Certificate update/submit/ sukdik ti te bawlsak thei hiding in le a gen hi. Chuleh, official website: www.powernodue.com ah le a diklo a um khak leh etchian thei hiding in a gen hi.  Chuleh, Prepaid Meter mang himaleh Post Paid mang dan ah kiziklut kha a um ua leh Prepaid Consumer ID leh Meter Number piak ah sukdik thei hiding in a taklang hi.

UNC President mat ah um

Lamka, Nov. 25: Imphal West Police in tuni’n United Naga Council (UNC) President chu a umna a pat mandawk a hidan uh hiat in a um a, thutut a kimudan in Imphal West Police te’n Gaidon Kamei (52) s/o (late) Landou Kamei of Noney Part-1, tu leh tu Namdulong khua um chu a umna va man  uh hi’n a kigen a, a gari (bolero) hektu banah UNC Information Secretary, Sankhui Stephen (36) s/o (late) Sankhui Thamnok of Komsen Village, Chandel District le mankhawm ua hiat a hi.  UNC president kimatna ziak chu hiatchian hilo maleh Manipur leh State dang kawmtuana National Highway 2 – Imphal- Dimapur leh Imphal Jiribam lampi ah UNC in Economic Blockade a bawl zing ziak hiding in tamtak in a gen ui. A langkhatlam ah UNC President mat ah a um, lungawilo suklatna Naga area ah total shutdown kipan ngal in a kigen hi.

67th Annual-cum-Mission Conference

Lamka, Nov. 25: New Testament Baptist Churches Association (NTBCA) in Garlow Memorial Chapel, NTBCA Campus, Bible Hill ah tuni’n “Gospel to all Creation” ti thupi mang in 67th Annual-cum-Mission Conference a mang pan ua, Rev. K. Hangnung, Executive Secretary, NTBCA in Seminar hawndawna leh Pathian kiang ah kawlsakna a nei hi. Seminar  1^st Session ah Rev. Dr. Ginneihthang Ngaihte, OMF International, Thailand leh Director of Assian Cross-Cultural Training Institute, Singapore in “Trends in the World Mission of God” ti thupi mang in  Seminar  hun ama pui a, 2^nd Session ah Ningkhan Ching Ngaihte in “A Healthy Missionary Family” ti thupi mang in amapui hi. Chun, 3^rd  Session ah “God’s Equipment for Mission” ti thupi mang in Rev. Dr. Gin Neihthang Ngaihte in Seminar hun amapui a,   nitak kikhawp hun ah Rev. Dr. HC Stephen in Conference hawnna leh Pathian kiang ah kawlsakna a nei hi.

Winter Meet-cum-Football Talent Search Tournament

Lamka, Nov. 25: Bungmual Veteran Football Association (BVFA) in a hung tung ding December 9 a pat December 20, 2016 sung ah Lalpuithluaii Foundation School Football Ground, Bungmual ah Winter Meet-cum-Football Talent Search Tournament kiti nei ding a hiu a,  Tournament ah School kailai, Kg 50 nuailam mite pang thei ding a hiu a, lunglutna nei Football Club/Association/Group te’n Entry Fee 500 tawh lekha pawimaw chuam chuam te November 28, 2016 tiang ah lathei ding uh leh December 8, 2016  tiang ah a piaklut uh ngai ding in a kigen hi. Chulhe, 1^st Prize Rs. 5,000, 2^nd Rs. 2,000 leh semi final ah gual lel team 2 te’n  Rs. 1,000 tuak  banah Man of the Tournament in Rs. 1,000 sang ding a hi.

Silver Jubilee Celebration-cum-Annual Prize Distribution

Lamka, Nov. 25: Sunshine English High School, Molnom in tuni’n School huangsung ah Silver Jubilee Celebration-cum-Annual Prize Distribution a mang a,  zia hun chu Khaipao Haokip, MDC Kholmun in Chief Guest hina tawh a uap a, Paolal Haokip, MDC Henglep in Guest of Honor hina tawh a uap hi. Chun,  Thangjang Haokip, President, KIC in Functional President hina tawh a uap hi.  Zia hun a chun, Chief Guest Khaipao in Jubilee Suang hawnna a nei a,  Functional President, Thangjang in Souvenir hawndawn a nei hi. Chulhe,  Khaisat Kipgen, Sunshine English High School, Vice Principal in HSLC Examination 2016 ah lawtinna nei a chung chuang diak te taklatna leh thil piak piakna a nei hi.

ATWU in 6th Schedule tawh kisai ah Centre palai te kimupi

Lamka, Nov. 25: All Tribal Women Union (ATWU) General Headquarter palai New Delhi ah Sixth Schedule demand tawh kisai ah Central Government  kihopi ah chia Churachandpur a hung tun kit uh tawh kitawn in tunitak lam in District Hospital, Morgue ah report piakna a nei ua, zia hun a chun Nianglian, President, ATWU General Headquarter in Delhi a chianau tawh kisai taklatna a nei hi. ATWU President, Nianglian in a genna a chun India President, Pranab Mukherjee, M.P chuam chuam, Kiren Rijiju, Minister of State for Home Satender Garh, Joint Secretary, North East, D. Raja, MP (Rajya Sabha), Majeed Memon, MP (Rajya Shaba), Dr. Prof. Kirit Premjibhai Solanki, MP (Lokh Sabha) Chairperson, Parliamentary Standing Committee on Welfare of Schedule Caste and Schedule Tribe, Choudhary Mehbood Ali Kaisar, MP (Lok Sabha), Neiphiu Rio, MP (Lok Sabha), Dr. A Sampath MP (Lok Sabha), P. Chidambaram, MP (Rajya Sabha) Chairman of House Committee, Conrad Sangma, MP (Rajya Sabha), Blswajit Diamary, MP (Rajya Sabha) te kimupi ah Sixth Schedule tawh kisai genpi a hidan uh a gen a, Parlament Session ah Special Mention/Short Duration Discuss ding ah Sixth Schedule tawh a puaklut ding ua chialna bawl uh hi’n a gen hi. Prime Minister Narendra Modi le mupi gua maleu lemchanlona ziak ah muthei lo ahidan uh genkawm in ATWU in lungke lo ah demand lawtin theina ding ah pankhawmna te ziak ah demand mu ngei ding ah kinepna nei in a gen hi. ATWU  team te chu November 12, 2016 ni Churachandpur nusia Sixth Schedule demand tawh kisai ah Delhi ah Central Government palai te kimupi ding ah kipandawk a hiu a, November 23, 2016 ni ah Lamka tungkit a hiu.

 Nisin pawimaw van pua Truck 440 Imphal tung 

IMPHAL, Nov 25: National Highway 37 (Imphal-Jiribam) lampi chuan ah, Manipur a ding nisin pawimaw van chuam chuam pua, loaded truck  440 te chu 7th IRBcommandant leh Police Commandoes  banah Manipur Rifles te venbitna nuai in  tuni’n Imphal a tung ua, truck 440 lak a chun, petrol tankers 33, diesel tanker 58, SK Oil tankers  4, ATF fuel tankers3,  Anchang loaded trucks 99, cement loaded trucks 86 leh van pawimaw chuam chuam pua  loaded trucks 144 a pang hi. A kihiatdan in loaded trucks hunkhawp le zing leh Imphal tung ding in a kigen hi. 

Sadar Hill Dist . issue ah stakeholder te thuhiat hilo: ANSAM 

Imphal, Nov 25 : All Naga Students' Association Manipur (ANSAM) President Seth Shatsang in press conference ah tuni full-fledged revenue district ah Sadar Hills District siamdaw ding dawilo ziak ah United Naga Council (UNC) in lung awilo etsakna National Highway ah Economic Blockade a bawlna chung ah United Naga Council (UNC) President Gaidon Kamei (52) leh UNC Information and Publicity Secretary Mr Sankhui Stephen (36) mat ah a um uh chu a vaima theipen ah thasuak (release) ding phut kawm in full-fledged revenue district ah Sadar Hills District siamdaw theina ding ah a sukkhak ding ahiloleh a kisai khakpi te tawh kihona a um masak ding pawimaw a hidan a gen a,  Sadar Hills District siamdaw leh siamdaw lo ding chung chang ah Naga te’n  "Yes” le tilo, No le tikhalo in a gen hi.”  Chuleh, bang ziak ah kihona leh kithu hiattuana bei ah state government in thupukna a siam thei a h’em? ti’n dawtna a siam a, Sadar Hills District issue tawh kisai ah UNC, ANSAM thuhiat ah um khalo a hidan a gen hi. Chuleh, Naga te’n Naga, Nepali, Meitei, Kuki, Thadou ti ah a chuam ah thuhiat leh kihopi ding ti hizawlo ah Sadar Hills huap sung ah cheng stakeholder te thuhiat ah kihona a um ding demand hizaw’n a gen hi. 

Manipur ah National Highways Projects 2, chiapi hiding 

Imphal, Nov 25 :Ministry of Road Transport & Highways in North Eastern region ah lampi project  pali (4) chiapi ding in final a bawl a, zia project dungzui a chu Rs  1173.98 Crore seng ah lampi 112.88 km  ah sau siam hiding a hi. Zia project 4 te lak a chun Manipur ah project 2 a um a, Nagaland  leh Arunachal Pradesh ah project 1 gel a um hi.  First project chu lampi ums ate siam hawi thak ding, NH 39 (Mao – Imphal section) ah 47.67 km ah sau lampi, Rs 230.46 crore seng ah siamthak ding (lane pavement leh paved shoulder) ti a hia, zia project chiapina ding a chu a gam le umta in a kigen hi.  Second project chu  NH 39 (Mao- Imphal Section) ah 27 km ah sau lampi Rs 139.87Crore seng ah siam ding, zia ding a chuleh a gam um hita in a kigen hi. Arunachal Pradesh ah Itanagar - Banderdewa Section  of NH-415  ah  4-laning, 10.9 km ah sau lampi  Rs 341.83 crores seng ah siam hiding ahia, zia ding a chu state government 30/40 m ROW free ah paik hiding a hi. Nagaland ah project chu 27.3 km ah sau, khawpi sung huap, NH- 39 ah Dimapur leh Kohima kamtuana lampi chu Rs 461.82 crore seng ah siam hiding a hi. 

Governor in A. K Mirabai Devi kimupi  

Imphal, Nov. 25: Manipur Governor Dr Najma A. Heptulla  A. K Mirabai Devi, Minister (social Welfare) Manipur kimupi in ama dep[artment nuai ah Scheme/programs implement kibawldan tawh kisai in a holimpi a, zia hun a chun Governor in khangthak te leh numei te khualna  Skill Training nasatak ah chiapi pawimaw a hidan leh employment banah entrepreneurship lam promote bawl theina ding ah panlak pawimaw a sakdan a gen a, centre scheme  te chu huapzau tak ah chiapi ding a nawp thu genkawm in a pawimaw dungzui ah panlakpi ding hi'n a gen hi.

Union Minister of Textiles in Leimakhong pha ding 

Imphal, Nov. 25: Smriti Zubin Irani, Indian politician, former model, television actress leh producer, tu leh tu ah Union Minister of Textiles in 27 November 2016 leh  Leimakhong ah Apparel and Garment Making Centre hawnna  nei ding a hi.

 

Rs 44  lakhs tawh mi 3  kiman 

Imphal, Nov. 25:  Senapati Brigade nuai ah Tamei Battalion Troops te’n zani, Wairangba II, District-Tamenglong ah gari khenkhat surprise check a bawlnau ah  Mahindra Scorpio, Registration No MN-01-G-6531 ah kipua  Rs 44 Lakhs a man dawkua, sum kipuakna gari chuang pawsal 2 leh numei 1 hentang in a um ui. Hengtang ah um te chu Joyson Kamei s/o Mr Kandai Kamei of Nungba, District-Tamenglong,  Mr Stephen Gongmei s/o  Mr Dinrei Gongmei of Gaidimjang, Police station-Khoupam, District-Tamenglong leh Ms Romancy d/o Mr Chittaranjan of Lairikyengbam Leikai District-Imphal East te hi’n PIB Defence, Imphal thusuak chun a gen a, hentang ah um mi 3 te leh sum banah gari chu Police te khut ah kipedawk in le a gen hi. 

CM in Thoubal District, Industrial Estate hawng 

Imphal, Nov. 25:  Manipur Chief Minister O Ibobi Singh in tuni’n Kuraopokpi Thoubal District ah Industrial Estate hawnna a nei a, zia hun chu official hunkhawp in le a uap ui.  Zia District Industrial Estate  siam patna ding a chu September 04, 2014 a khah Minister of Commerce & Industries, Govindas Konthoujam Foundation suangphu hawnna ala nei ahia, Micro-Small Enterprises  Cluster Development Programme (MSE-CDP) scheme nuai ah kisiam a hi.